𝐹𝑜𝓊𝓃𝒹 تعميرة رمضان

– بس، حاسبي.. بلا قافية إيدك حاتوقع الرق من فوق الصره على العود تنقطم رقبته.
– شر بره وبعيد.. شيلله يا سيدي جابر، إلهي يجبر بخاطرنا بسره الباتع. إلا يا حاج محمد، دي المستعجله دي ولا المفتخر؟
– المستعجله، عو من غير مؤاخذة المفتخر يبقى فيه ترسو؟
…
– هه يا جماعة، مش لازمكم حاجة؟
فصرخت سلّم الضريرة:
– حاج محمد، يا حاج محمد.. لازمنا قلة ميه..
فأجاب الحاج محمد منتهرا:
– قلة ميه إيه إحنا في رمضان يا وليه.. اتقي الله واختشي على عرضك.
فهزت نجية الطبالة رأسها وقالت:
– حِكم.. بقا الميه يا حاج محمد وإلا التعميره؟!
فصاح الحاج محمد بغضب:
– تعميره إيه يا مره؟ وحق صيامي..
فقاطعته نجية:
– صيامك؟ صيامك أنهو ده يا روحي.. ما تقولش كده أمال، دانا شايفاك بعيني الصبح في إيدك الجوزه وقاعد تكح وتنبر!
— من قصة العوالم لتوفيق الحكيم

1927 (1981)

Posted by тнє ѕυℓтαη’ѕ ѕєαℓ | ختم السلطان

тнє ѕυℓтαη’ѕ ѕєαℓ. Cairo's coolest cosmopolitan hotel.